Baie welkom op die webwerf van die Vroue-Landbouvereniging van Kaapland!
Dit is ‘n vroue organisasie vir persoonlike groei wat aan sy lede die geleentheid vir persoonlike vooruitgang en diens aan die gemeenskap bied. Dit stel die lede in staat om ‘n gesonde gesinslewe te lei, effektief aandag te skenk aan behoeftes in die gemeenskap en om diens te lewer in hierdie verband.
Die vereniging bied interessante maandelikse programme aan deur middel van praatjies, demonstrasies, debatvoering, uitstallings, opvoerings, besprekings by vergaderings, asook georganiseerde opvoedkundige uitstappies oor Kunste en Handvlyt, Gesondheid, Opvoeding en Kultuur, Leefstyl, Openbare Sake en Landbou en Tuinbou.
ONS FOKUS VIR 2024
Twee doelwitte van VLVK is om vroue by te staan en aan te moedig om meer ingelig te wees en om te help om behoeftes in die gemeenskap raak te sien en op te los.
Dit word gedoen deur jaarlikse projekte waardeur die VLVK kan uitreik na individue, groepe en die gemeenskap.
Die projek vir hierdie jaar is: Bevorder en kweek ‘n liefde vir die natuur en diere.
Die nuwe tema vir Augustus 2023 – Augustus 2024 is: Ons Jeug, ons Toekoms
JONGSTE NUUS
TEKSTIELMUSEUM
