SIRKEL: KALAHARI
TAK: VRYBURG
TEMA: OPVOEDING
BERIGGEWER: NELLIE VILJOEN
AANBIEDER: PETRO OLLEWAGEN
DATUM: 23 JULIE 2025
Magda Jacobs deel haar ervarings met Vryburg VLV. Stres is deel van die moderne lewe en word verdeel in sosiale, emosionele, sielkundige en liggaamlike stres.
Onder sosiale stres val jaloesie, afsondering en gevoel dat ander nie verstaan nie.
‘n Persoon met emosionele stres is angstig, depressief, negatief en ongemotiveerd. Sielkundige stres maak ‘n persoon stil, kan nie konsentreer nie, stel take uit en het ‘n swak geheue.
Liggaamlike stres maak jou mond droog, sweet maklik, eetsteurnisse, laat persoon hakkel of stotter.
Magda beveel ontspanningstegnieke aan:
Sosiale stres: Fisiese aanraking, komplimenteer ander, stel belang in hul aktiwiteite en doen positiewe dinge vir hulle.
Emosionele stres: Bid gereeld, ruik aangename geure, kyk na pastelkleure en minder TV. Doen asemhalingsoefeninge en lag gereeld.
Sielkundige stres: Dink voor jy praat, beplan, wees positief en vriendelik.
Liggaamlike stres: Drink voldoende water, asemhalingsoefeninge, masseer nek, kop en skouers, vleg hande en voete.
Verander jou gedrag: Doen kreatiewe dinge, beoefen stokperdjies, handhaaf ‘n goeie slaaproetine, luister na rustige musiek, eet breinvriendelike kos wat Omega 3 bevat soos vis en neute.
Petro Ollewagen demonstreer hoe om ‘n maklike tert met net twee bestanddele te maak.
Voël van die jaar: Rooibekrenostervoël (Red billed oxpecker) kom voor in doringveld en boswêreld. Uitstaande kenmerke is ‘n rooi bek en geel vel rondom die oë. Hulle het baie skerp kloutjies om aan harige soogdiere vas te klou. Met hul snawels kam hulle deur die hare op soek na bosluise en bloedsuiende vlieë by wildsbokke en beeste.
Griselda Pretorius en Magda Jacobs
Petro Ollewagen
Rooibekrenostervoël