Sirkel: Paarl
Tak: Strand
Portefeulje: Sirkel Konferensie
Saamroeper: Mariaan Herbert
Beriggewer: Erna de Waal
Datum van vergadering: 13 Maart 2025
‘N KLEURVOLLE KONFERENSIE
Vroegoggend, Donderdag 13 Maart 2025, vertrek agt VLV Vrolike Vroutjies van Strand-tak Paarl toe vir die Konferensie aangebied deur Klein Drakenstein. Die passasiers is Mariaan Herbert, Audrey du Toit, Aletta Esterhuise, Marinda Pienaar, Adriana Smith, Emsie Marx, Gerda Meÿer sook Marinda Barnard. Die vooruitsig na ‘n heerlike Sirkel Konferensie,waar hulle met die ander takke se verteenwoordigers kan kuier, laat hulle bruis van binne.
Een ding is seker: ons almal sal na kleur kyk met ander oë want Amanda Swanepoel gee kleur ‘n ander “kleur”. Al die kleure van die reënboog kleur ons daaglikse lewe in en het ‘n groot invloed op ons emosies. Ons sien dit nie altyd raak nie.
Ons is baie trots op Strand-tak se kompetisie artikels en die trofeë wat ons verwerf het. Dit gee ons baie vreugde en moedig ons lede aan om meermale deel te neem. Strand tak is trots op hul welslae in Kuns en Handvlyt (takbeker en meeste getal inskrywings) wat ons lede sal aanmoedig om ook deel te neem en ons gesellige werksessies by te woon. Ons sê ook “Dankie” aan ons deelnemers wat die tweede meeste punte (algeheel) behaal het. Ons is ook baie trots op Audrey du Toit wat verkies is tot Vise-President en wens haar ‘n vreugdevolle en produktiewe termyn toe.
Ons sien uit na die volgende Konferensie!
Strand tak se span. Voorste ry v.l.n.r : Audrey du Toit (Vise-Voorsitter), Gerda Meÿer (Saamroeper Landbou en Tuinbou), Adriana Smith (Saamroeper Gesondheid), Marinda Pienaar (Saamroeper Opvoeding en Kultuur), Marinda Barnard (Lid). Agterste ry v.l.n.r.: Mariaan Herbert (Voorsitter), Aletta Esterhuyse ( Tesourier en Saamroeper Kunste en Handvlyt), Emsie Marx (Saamroeper Leefstyl).
Mariaan Herbert (Voorsitter) ontvang die Kunste en Handvlyt Takbeker van Me Gonny du Plessis (Vise-President Sirkel Paarl).
Me Karen Barnard (Sirkelpresident) oorhandig die Tip Top Beker aan Mariaan Herbert (Voorsitter Strand tak).
Me Gonny du Plessis (Sirkel Vise-President) wens Audrey du Toit geluk met haar verkiesing tot Vise-President vir die volgende termyn.
‘n Trotse Emsie Marx ontvang die trofee vir haar Epigram (Woordkuns). Langs haar is Me Gonny du Plessis (Vise-President).
Marinda Pienaar ontvang haar trofee as wenner van die Wisselafdeling: Kwilt vir ‘n kleuter van Me Gonny du Plessis (Vise-President).
Moeder en dogter: Me Karen Barnard (Sirkelpresident) langs Me Gerda Meÿer (Saamroeper Landbou en Tuinbou van Strand tak).
Die treffende wenskildery van Leta du Preez, kreatiewe skilder van Strand tak.
Die Openbare Sake se verslag word aangebied deur Emsie Marx en Audrey du Toit.