Kulinêre bederf & ouwêreldse elegansie saamgesnoer

Vir Paarl Aandtak se eerste Ledevergadering, gereël deur die bestuur, het lede aangesit in die ouwêreldse atmosfeer van Mynhardt’s Cathedral Cellar Kitchen in die Katedraalsaal van die KWV in die Paarl. Omring deur gegraveerde houtvate wat die storie van die SA-wynindustrie uitbeeld, in die amper heilige atmosfeer onder die dramatiese koepeldak, is gesmul aan geregte met die aandag aan detail en smaak waarvoor Mynhardt bekend is en keurwyne van KWV geniet.