SIRKEL PAARL LEEF IN VOLKLEUR!

Sirkel Paarl se jaarlikse Konferensie is op 13 Maart 2025 by Agter Paarl Gemeente gehou. Die saal en kerk het die tema mooi uitgebeeld.

Die dag is ingekleur deur kleurvolle kompetisie artikels, lekker saamkuier en goeie sprekers. Heerlike kos, kleurvolle tafels met lede wat bietjie geskommel is, het die dag verder spesiaal gemaak. Baie dankie aan Klein Drakenstein wat die dag moontlik gemaak het.

Sirkel Paarl Saamroepers, vlnr Emsie Marx (Openbare Sake); Marinda Rall (Opvoeding en Kultuur); Aletta Keyser (Tesourier); Karen Barnard (Leefstyl – Naaldwerk); Juanita Loubser (Leefstyl – Tuisteskepping); Mia Louw (Landbou en Tuinbou) en Amelia Jacobs (Kunste en Handvlyt).

Oud–President Marinda Rall kuier lekker saam met Me Gerda Meÿer

Eregaste- Me Rene Nel (President Sirkel Tygerberg), Me Marinda Rall (Oud-President Sirkel Paarl), Karen Barnard (Huidige President Sirkel Paarl), Steffi Brink (Oud-President Sirkel Paarl) en Liz Baron (Drakenstein Munisipaliteit).

Amanda Swanepoel het ons kom vertel hoe om in volkleur te lewe en hoe jy ‘n kleur kan koppel aan elke aspek van jou lewe. Sy het met haar rustige en sagte geaardheid Sirkellede verras.

Pres Karen Barnard en Me Amanda Swanepoel (hoofspreker)

Jaarverslag is toegelig met foto’s en takke is bedank vir hulle goeie samewerking en bydraes tot projekte. Dames is geleer oor verf met koffie en tee en hoe om ons Opvoeding en kultuur te laat voortleef.

Inligting oor Lipizzaner perde het ons verder kom boei. Dit is voorwaar besonderse perde en dames is aangemoedig om hulle te gaan besoek by Mistica.

Kompetisies bly die hoogtepunt op Konferensie. Takke se deelname was weer goed en kompetisie straf.

Daar was Blomme, Foto’s, Epigramme, Knopekuns, Oornagsakke, Kwilts, Truie en pragtige gebreide speelpoppies, hasies, beertjies en nar om te bewonder. Die koeke, paasbolletjies, lekkers en jellie het ons monde laat water.

Wenner- Skilderkuns

Wenner – Blommerangskikking

Wenner – Knopekuns

Die wentak met punte is: Wellington. President se Tiptop Beker is aan Strand-tak toegeken.

Puntewenner: Me Juanita Loubser, Wellington–tak Voorsitter en Me Gonny du Plessis (Vise-president)

Tiptoptak- Me Mariaan Herbert, Strand–tak Voorsitter en Me Karen Barnard (Sirkelpresident)

Sirkel Paal het ook ‘n nuwe Vise-President aangewys. Dit is me Audrey du Toit van Strand. Ons groet Me Gonny du Plessis en bedank haar vir al haar harde werk en toewyding.