Gesondheidsdienste op wiele vir Drakenstein

Dr. Rushaan Gaffoor is die kliniese bestuurder by Drakenstein-munisipaliteit. Behalwe bestuursverantwoordelikhede doen sy ook kliniese werk by ouetehuise, doen na-uurs forensiese werk met slagoffers van seksuele geweld en werk in die teater by Paarl-hospitaal. Tering, HIV, diabetes en geestesgesondheid is haar belangstellingsvelde.

Die area het nie ‘n distrikshospitaal nie, alle gevalle word na Paarl-hospitaal verwys. 80% van die sowat 320 000 inwoners van Drakenstein het toegang tot mediese dienste. Hulle word bedien deur 14 vaste fasiliteite en 6 mobiele klinieke, sowel as 3 dagsentrums. Die mobiele klinieke bring gesondheidsdienste na die plaasgemeenskappe

‘n Nuwe hospitaal word teen 2030 beoog.