Warm lyfies, Warm harte

Ons weet dat betrokkenheid by die gemeenskap lê die vroue van die VLV baie na aan die hart en die dames van VLV Alexandria het weereens hul liefde vir hul gemeenskap gewys deur fluks te knip en knoop om 74 ponchos en mussies aan Klipfontein Kleuterskool en Dagsorg te oorhandig.

Dit het definitief ons harte warm gemaak om die vreugde op die kindergesiggies te sien en om nie eers te praat oor die opgewondenheid oor die kolwyntjies wat uitgedeel is nie! Watter kind en selfs volwassene kan nou ‘n lekker kolwyntjie weerstaan?

VLV Alexandria bedank Khangela African Safaris vir hul baie vrygewige borg, sonder hul hulp sou hierdie inisiatief nie moontlik gewees het nie. Baie dankie aan Carla York, verteenwoordiger van Khangela African Safaris wat die oorhandiging van die ponchos en mussies bygewoon het.