Calvinia bak broodjies en versier tafels (sonder blomme)

Op 8 April 2024 het VLV Calvinia ‘n heerlike leersame aand van Leefstyl geniet by Kani Parker se huis.

Kani Parker het vir ons geleer en gewys hoe om heerlike sagte broodrolletjies te maak. Sy het dit stap-vir-stap gewys gedurende die vergadering en dit toe gebak en ons het na die vergadering heerlik daaraan gesmul.

Marieta van Tonder het ons kom inspireer met tafeldekor idees met min of selfs geen blomme. Sy het ons geïnspireer om sommer enige iets in die huis of tuin te gebruik en sommer net ‘n mooi omgee atmosfeer te skep wanneer mens tafel sou dek vir ‘n ete, ‘n viering of sommer net as ‘n vriendin kom tee drink.

Kani het vir ons interessante TikTok videos gewys oor hoe om ‘n kombers met jou vingers te brei.

Ons het omtrent lekker gekuier!