Sirkel:  Tygerberg

Tak:  Kuilsrivier

Studierigting:  Leefstyl

Beriggewer:  Mariëtte Krige

Datum: 3 Mei 2023

 

Woensdag 3 Mei 2023 het mevrou Etetia Conradie, as gasvrou, ‘n baie stylvolle algemene vergadering aangebied. Die mooiste tafels is gedek en lekkerste happies is aangebied.

 

Die dames was uitgevat vir die geleentheid, Erika Schultz het ‘n pikante hoedjie opgesit vir die geleentheid!

 

Shana Triegaard het op ‘n baie vrolike en stylvolle manier met die dames gepraat. Die lewe en al die veranderinge, hoe ons dit hanteer en wat ons daarmee moet maak.

 

Sy het ook ‘n mimiekvertoning gelewer. Soos dit maar deesdae gaan, het die krag afgegaan in die laaste minuut van haar vertoning, maar sy sing toe baie mooi en maak haar vertoning klaar. ‘n Pragtige voorbeeld van ‘n sterk vrou en hoe om te hanteer wat op jou pad kom.

 

 

Een van ons hoog gewaardeerde lede is op haar verjaardag oorlede die week voor die vergadering. ‘n kers is aangesteek ter herinnering aan haar en haar liefde vir ons almal.

 

Te midde van die hartseer oor die afsterwe van ons VLV vriendin, het ons ‘n lieflike damesoggend met die tema “High Tea” geniet!