Sirkel: Weskus

Tak: St Helenabaai

Beriggewer: Maggie Enever

Datum: 18 Julie 2023

5 Pragtige vergaderings:

Die hoogtepunte van Februarie tot Junie 2023.  Tydens die 5 vergaderings het 13 nuwe lede aangesluit.

14 Februarie – Landbou en Tuinbou

Sameroepster Annelie Nieman

VLVK- Tema: Die uitdaging van verandering word aangespreek met die bekendstelling van alternatiewe tuinbou naamlik Hydroponic tuine.

Lede het die vrugtefees en tuisgemaakte roomys geniet.

 

 

14 Maart – Leefstyl

Sameroepster Estelle Coetzee

Tydens die vergadering is Kokerboom kase aan die lede bekend gestel. Daar is met oorgawe geproe en gekoop. Die, eie aan die Weskus, Bokkomkaas het baie belangstelling uitgelok.

Demonstrasie was die Huisvlyt Kompetisie: Mikrogolf Mosterdsous.

 

18 April – Gesondheid

Sameroepster Annaline de Beer

‘n Heerlike, leersame kuieroggend saam met Dermatoloog Dr. Elana Steenkamp.

Erelidmaadskap is aan mev. Susan Engelbrecht 96 toegeken en die tak se 59ste verjaarsdag is gevier.

 

9 Mei – Kunste en Handvlyt

Sameroepster Isa Pump

Die Kamerkonsert is deur konsertpianis Sandra Jacobs en vriende aangebied. Drag was formeel swart en die dames het met oorgawe  deelgeneem aan die massa “jamm” orkes.

Esta Ueckermann het die boekvoorlesing waargeneem.

13 Junie – Opvoeding en Kultuur

Sameroepster Elna Louw

Wilna van Zyl het vir 15 jaar haar eie skool gehad waar sy terapie met behulp van perde aan gestremde- en kinders met spesiale behoeftes aangebied het. Die winterkoue is met heerlike warm sop en vars gebakte brood verdryf.