Sirkel Tygerberg plant bome vir ons kinders

Sirkel: Tygerberg

Studierigting: Landbou en Tuinbou

Beriggewer: Ita van der Merwe

Datum: Oktober en November

Sirkel Tygerberg het deur bemiddeling van die Minister van Landbou in die Weskaap, Dr Ivan Meyer, 100 jong inheemse boompies gekry om in die omgewing te plant. Mevv René Nel (President), mev Emmie le Roux (Landbou&Tuinbou-saamroeper) en Ita van der Merwe (Saamroeper Kunste en Handvlyt) het na Worcester gereis om die bekendmaking van die skenking by te woon. Daar het die minister groot gewag gemaak van die teenwoordigheid van VLV Sirkel Tygerberg wat ook betrokke geraak het by die proses om 100,000 bome in die Weskaap te plant. Ons het skole geïdentifiseer en by die volgende skole bome afgelewer wat geplant moes word.

Hoërskool Monumentpark , Kraaifontein
Laerskool Fanie Theron, Kraaifontein
Laerskool Aristea, Kraaifontein
Curro DigiEd, Delft
Paarlskool vir andersmagtige leerders, Brackenfell
Laerskool Vredekloof, Vredekloof
Highlands Primary School, Mitchellsplein

Ons het 4 soorte bome gekry: Wilde amandel, Olienhout, Valsolyf en Witkaree. Die skole was almal baie opgewonde om die bome te ontvang en het die gate voorberei met kalk, beenmeel en ander voeding om die boompies ‘n hupstoot te gee.

By Laerskool Vredekloof en Paarlskool het ons ook hul groentetuine besigtig. Curro DigiEd het ook ‘n stuk grond geïdentifiseer waarop hulle ook ‘n groentetuin wil aanlê. Dié tuin by Curro is deur twee gr 9- dogters geïnisieer, wat opgelet het dat hulle maats nie daarvan bewus is van waar groente vandaan kom of weet hoe dit verbou word nie. Dit het die personeel ook laat inspring om te help.

Bekendstelling in Worcester