Nuttige grimeerwenke

Sirkel: Weskus
Tak: Velddrif
Portefeulje: Leefstyl
Beriggewer: Cornelia van Dyk
Datum van gebeurlikheid: 14 Augustus 2019

Franse kuier:

Riëtte Strydom stel Lize-Mari Visser-Roode (ons eie Weskus Hannon) aan ons voor.
Lize-Mari gebruik vir Suzette Coetzee as model vir haar demonstrasie. Sy gee vir ons die volgende nuttige wenke:

– Vogroom is baie belangrik, dit is die grootste geheim dat grimering die hele dag hou.
– Kwaste met sintetiese hare word vir nat produkte gebruik byvoorbeeld roomonderlaag, die produk word nie opgeneem deur die hare nie.
– Kwaste van regte hare word gebruik vir droë produkte soos poeier oogskadu, dit voorkom dat die produk aan die hare kleef.
– Primer word gebruik om die vel te neutraliseer. Ons kry ‘n vel- en ‘n oogprimer. Dit kom ook in kleur voor wat die natuurlike voorkoms beklemtoon. Oogprimer kan bedags gebruik word en die velprimer vir aandgrimering.
– Onderlaag is in poeier- en roomvorm beskikbaar vir verskillende veltipes.
Die gesig word in lyne verdeel om dieselfde prentjie te dupliseer.
– Daar is drie maniere om wenkbroue in te kleur naamlik: potlode, wenkbrouskadu en mikro blading.
– Bronser word gebruik om die wangbene te laat uitstaan. Dit is ‘n neutrale bruin poeier .
– Blosser word in sirkels aangewend.
– Lipomlyner voorkom dat jou lipstiffie loop of smeer.
– As ‘n rooi lipstiffie die tande wit laat vertoon, is dit die regte skakering. Die verkeerde skakering laat die tande geel vertoon.