Sirkel Noordwes-Kaap

Tak: Prieska

Portefeulje: Gesondheid

Beriggewer: Erika Lubbe

Datum: 7 September 2016

 

 

Maryke Visagie, ’n dieetkundige, het 9 riglyne vir gesonde eetgewoontes bespreek.

 

  1. Geniet ’n verskeidenheid van voedsel

 

  1. Maak styselryke voedsel deel van die meeste maaltye

Verhoog inname van vesel soos bruin- of volgraanbrood, volgraan ontbytgrane of maak droë bone en peulgroente deel van maaltye.

 

  1. Vis, hoender, vleis met verminderde vet of eiers kan elke dag geëet word

Verwyder enige sigbare vet voor gaarmaak en moenie ekstra vet byvoeg tydens voorbereiding nie.

 

  1. Eet elke dag baie vrugte en groente

Piesangs, droëvrugte, lemoene, pere, appelkose, wortels, spinasie, aartappels, patats en tamaties hoog in kalium kan bloeddruk verlaag (indien ’n persoon hoë bloeddruk het).

 

  1. Eet droë bone, split ertjies, lensies en soja

Dit is laag in vet, hoog in vesel en kan in die plek van vleis of vleisprodukte geëet word. Peul-groente is goedkoop en kan saam met ander kosse gebruik word, bv. soppe en bredies.

 

  1. Gebruik elke dag melk, maas of jogurt

As jy gewig wil verloor, gebruik altyd lae vet of vetvrye suiwelprodukte, bv. lae vet of 2% melk.

 

  1. Gebruik sout in voedsel hoog in sout spaarsamig

Vermy geprosesseerde voedsel: polonie, koue vleise, kaas; peuselhappies: aartappelskyfies, biltong, droëwors; soutsmere: Marmite en Oxo. Gebruik geurmiddels soos suurlemoen, asyn, pietersielie, knoffel, kerriepoeier, paprika, ens. Moet nooit sout oor klaar voorbereide voedsel aan tafel gooi nie.

 

  1. Gebruik vet spaarsaam en kies groente-olies eerder as harde vette

Vermy dierlike vetbronne: vet van vleis, vel van die hoender, volroom suiwelprodukte en botter. Kies gesonder voorbereidingsmetodes: rooster, bak of stoom. Moenie voedsel in olie braai nie.

 

  1. Gebruik voedsel en drankies hoog in suiker spaarsamig

Beperk inname van wit- en bruinsuiker, sjokolade, koeke, terte en koeldrank. Gebruik koeldranke soos TAB, Coke Zero, Sprite Zero, ens.

 

  1. Drink baie water

 

  1. Wees aktief!

prieska-20160907_142645

V.l.n.r.: Liz-Marie Lubbe, gasvrou en Saamroeper van Gesondheid; Marelize de

Villiers, gasvrou