NOK hou Sirkeldag

 

NOK hou Sirkeldag

Posted by VLV in News, SIRKEL NUUS 05 May 2019

Sirkel: NOK

Sirkeldag

Beriggewer: Antoinette van Pletzen

Datum: 4 Mei 2019

 

Op Saterdag 4 Mei is die jaarlikse Sirkeldag van NOK se VLV op Ugie gehou, in die geskiedkundige Clarendon Gastehuis. Lede het vanaf Burgersdorp, Dordrecht, Jamestown, Lady Grey, Molteno, Queenstown en Sterkstroom op Ugie toegesak. Die doel van hierdie Sirkeldag is om wenke te ontvang vir die kompetisies wat vir die volgende Konferensie gemaak moet word, maar dis ook ‘n heerlike kuiergeleentheid vir die 32 vroue en 2 mans!

 

Die  Opening is waargeneem deur Ugie se takvoorsitter, Nan Botha, wat 3 kerse aangesteek het vir die volgende: Alle NOK-VLV-lede, 2 siekes van Ugie Tak, asook vir SA . Nadat sy ‘n gebed gedoen het, lees sy ‘n gedeelte voor oor Sukses: Jy hoef niemand te beïndruk nie. Almal sing daarna saam met CD-begeleiding: Tel jou seëninge.

 

  Nan Botha steek kerse op

 

Hierna volg opgewekte samesang met begeleiding deur Helen Noorman op die trekklavier en Mariane le Roux  op die kitaar. Die verwelkoming is gedoen deur Ugie se sekretaris/tesourier, Doreen Jafta.

 

Samesang is gelei deur Helen Noorman en Mariane le Roux.

 

Die eerste Kompetisies is deur Landbousaamroeper Lenie Fourie van Dordrecht bespreek. Sy het wenke gegee vir ‘n Hidroponiese tuin: 3 Groenteplantjies in ‘n dik pyp. Vir Herwinning moet ‘n baie interessante 3D- Plakkerskamp op ‘n plat agtergrond gebou word met koeldrankblikkies. Vervolgens het Marie Pretorius van Molteno wenke gegee vir die Blommerangskikkings en die Teetafel. Die Teetafel is hierdie keer ‘n baie interessante Piekniekmandjie, terwyl die formele rangskikkings se tema Van Glas & Satyn, tot Ragfyn is.

 

Plakkerskamp-uitbeelding

 

Leefstyl se Sirkelsaamroeper is Megan Moorcroft van Sterkstroom en sy is bygestaan deur die baie bekwame Izak van Heerden, ook van Sterkstroom. Hulle het verduidelik hoe om die perfekte Tamatiesous, Skotse Brosbrood en Karamel Fudge te maak, asook ‘n Swartwerk Speldekussing, ‘n 12-blok Kindertrui, gehekelde vatlappies en ‘n halflyfvoorskoot. Voorbeelde van ‘n Stekelap, Amigurumi (gehekelde vingerdiertjies), smokwerk , ‘n kussingoortreksel van kantbreiwerk, en ‘n geweefde skouersak is vertoon.

 

Takke moes ook elkeen ‘n wenk saambring. Wit asyn by skottelgoedwater dien as ontsmettings- middel. Gooi ‘n bietjie Jik in blompot om blomme langer te laat hou. As iets op die stoof se oppervlak vasbrand, gooi ‘n bietjie koeksoda en dan asyn daarop voordat jy dit afvee. Doop die hele bak met ‘n potplant en al vir 10 minute in ‘n bak water. Haal dan uit en laat goed dreineer. Herhaal weekliks om potplant genoeg water te gee. Raat teen miere: Sproei met ‘n mengsel van ¼ koppie asyn, ¼ koppie water, 1 E skottelgoedwasmiddel en 10 druppels pepermentolie.

 

Elke jaar word 1 land en ook ‘n plaaslike bevolkingsgroep bestudeer. Elke tak maak dan ‘n plakkaat of plakboek daarvan en dit word geskenk aan ‘n skool in die Konferensie se gasvroudorp. Opvoeding & Kultuursaamroeper Adele Richardson van Sterkstroom het verduidelik hoe die plakboek met inligting oor die lande moet lyk. Vanjaar se land is Switserland en die bevolkingsgroep is die Tswanas.

 

Kunste & Handvlytsaamroeper Irma Davel van Molteno het verduidelik hoe die Diamond Dot Kuns werk. Verskeie voorbeelde is rondgestuur, asook pakkette te koop aangebied.  Prente kan ook op Diamond Dot.com gekies word en die foto dan aan Irma gestuur word, vir bestellings by Almarie Meiring op Burgersdorp. Kompetisies wat Irma bespreek het, het die volgende ingesluit:  ‘n 2D of 3D artikel met knope, Verjaardagkaartjies versier met Quilling, en ander versier met Inkleurprente.

 

For Scrapbooking the theme is Me, Myself  & I. Each page must contain weaving. The Fine Arts competition is a Painting in Pastels with the theme: Flower Merchant. The Literary art competition is Lyrics for a Ballad, Photography asks for Tree(s), and the  Handicraft subject is a Batik Lampshade. Elize Ehlers from Lady Grey gave a demonstration on how to create with Batik.

 

 

Batik in wording

 

 

 

 

 

 

 

 

 

Post a comment