Jongensklip kuier in ELIM

 

Jongensklip kuier in ELIM

Posted by VLV in Jongensklip Tak, News 07 Oct 2009

‘n Groep van VLV Jongensklip, Overberg sirkel, was op ‘n uitstappie na Elim om daar die Elim Tehuis vir fisiek en serebraal gestremde persone te gaan besoek.  En was dit nou ‘n ervaring wat ieder en elk se harte diep geraak het. ‘n Mens is ongelooflik dankbaar vir al die talente en gawes wat ons elke dag uit die Hemelse Vaderhand ontvang.

 

Ons het ook slaapsokkies aan van die inwoners in die Tehuis gegee, en is ingelig oor wat presies die Tehuis as skenkings sal waardeer, bv. slaapsokkies, sokkies, sweetpakke, weggooidoeke, nie bederfbare produkte ensovoorts. Die verpleegpersoneel onder leiding van Suster Engel, is regtig engele uit die hemel wat met soveel liefde en deernis na die mensies omsien!!!

 

Ons het toe die ou kerk in Elim besoek, en daar bietjie meer van die geskiedenis en rituele geleer wat vandag nog, soos in die verlede, toegepas word. Die kerk is spierwit binne en definitief enige bruid se droom kerk!!

 

Ons het ook die bakkery besoek wat vars brood en koekies bak en aan die plaaslike tehuis en winkels verskaf.

 

Daarna het ons teruggekeer na Bredasdorp en natuurlik nie die Kapula Kersfabriek misgery nie!  Amper was die bussie te klein vir al die aankope!!!

 

‘n Heerlike middagete is ook daar genuttig en na ‘n heerlike dag is elkeen weer terug na hulle eie wonings.

 

Beriggewer:  Christel Viljoen

Hier oorhandig VLV lid Annelie Swart en VLV Jongensklip se voorsitter Madeleine du Toit, se kleindogter die slaapsokkies aan Suster Engel by die Elim Tehuis

Elim  kerk van binne

Post a comment

six − 1 =