Sirkel: Griekwaland-Wes

Portefeulje: Leefstyl

Beriggewer: Hettie Krüger

Datum: 15 Oktober 2019

 

Die VLV-Kookboek met resepte van toe en nou is deur Human & Rousseau uitgegee, ter viering van die Vroue Landbouvereniging van Kaapland se 90ste verjaarsdag op Donderdag 15 Oktober 2019.

 

Die VLV-Kookboek bied die heel beste resepte van lede van regoor die land en Sirkel Griekwaland-Wes het ook hulle stempel in dié pragstuk afgedruk.

 

Erika Lubbe, Ere-President van Sirkel Griekwaland-Wes, se heerlike skaapboud resep verskyn in die toe-afdeling van die boek. Hierdie afdeling is vir daardie onthou-resepte wat jou aan jou ouma herinner.

 

Sirkelpresident van Sirkel Griekwaland-Wes en lid van Volop-tak, Machel van Niekerk, se maklike 7 minuut-sjokoladekoek verskyn in die nou-afdeling. Die resepte in hierdie afdeling is maklike, hedendaagse disse.

 

Morene Meintjes, Landbou & Tuinbou Saamroeper van VLV Griekwastad, spog met drie resepte in die boek: Semelbeskuit, bruin saadbeskuit en sjokolade-koekstruif.

Elize Snyman, Gesondheid Saamroeper van VLV Griekwastad, se resep vir Wortelkoek met roomkaasversiersel word in die boek gedeel.

 

Sirkel Griekwaland-Wes is trots op hierdie dames.

 

Hierdie hardeband resepteboek met volkleur foto’s en beproefde staatmaker resepte uit VLV-kombuise is ‘n fantastiese kers- of trougeskenk!

 

 

 

 

 

 

 

 

 

Sirkelpresident, Machel van Niekerk en Ere-President Erika Lubbe met die voorblad van die resepteboek tussen hulle.

 

 

 

 

 

 

 

 

 

 

 

 

 

 

 

 

Morene Meintjes en Elize Snyman van Griekwastad VLV-tak.