Langebaan word 15

Sirkel: Weskus

Tak: Langebaan

Beriggewing : Cynthia Huysamen

Datum: 13 Maart 2019

Langebaan se 15de verjaardag word gevier.

Ons saal was pragtig versier deur Marius van Zyl (Koster van die NG Kerk) en kos is uitgesit deur Charlotta van Eeden en ander bestuurslede.

Hilary Nepgen (Voorsitter) het Bestuur en Lede van die Wesskussirkel genooi en die volgende gaste word verwelkom:

Sirkelpresident – Estelle du Plessis – ons ma, eerste voorsitter van die tak.

Sirkel-Vise-President – Marie Grobbelaar – ook voorsitter van Eendekuil-tak

Sirkelsekretaris – Elsabé Carstens – ook voorsitter van Leipoldtville-tak

Sirkeltesourier – Dinette Lochner

Oud-Sirkelpresidente – ons ouma Rosa Lategan en Louna Hoving

Oud-Sirkeltesourier – Sinnie Koeglenberg

Tak-Voorsitters – Maggie Enever, St.Helenabaai; Mary Ann van Schalkwyk, Porterville; Marie Heyns, Hopefield; Anne Meyer, Vredenburg

Ander gaste – Lydia Liebenberg, Porterville; Maggie – Hopefield; Alida – Vredenburg; Gerda – St.Helenabaai;

Stigterslede – Aletta Heydenrych, Elbeth le Roux, Isabel Basson en ‘klein’ Suzette (soos ons haar noem) de la Quere.

Kerkpersoneel – Hannelie en Helene, Marius van Zyl en Annemarie de Kock

Julle is almal eregaste, maar ek kan nie anders as om na my takbestuur en al die lede ook as eregaste te verwys nie. Baie welkom, dankie dat julle moeite gedoen het om van ver af te kom. Ek hoop julle geniet die oggend en soos Johan Stemmet altyd gesê het, “wees gegroet”!

Baie geluk aan Graafwater vir die aanbied van ‘n puik konferensie. Baie geluk ook aan ons lede wat pryse gewen het en baie dankie aan dié wat deelgeneem het, maar nie gewen het nie.

Kompetisies: Breiwerk – 2de Plek – Marianne van Niekerk;

Hekelwerk – 3de Plek – Cornie van Wyk

Skildery – 2de Plek – Henna Greeff

Preservering – 3de Plek – Magda Smit

Presidentstoekenning vir Verdienstelikheid – Hilary Nepgen Voorsitter,Langebaan-tak.

Baie dankie aan die bestuur en elke lid wat dit vir my moontlik maak om aan al die vereistes te voldoen.

Na afloop van die vergadering, kyk ons na ‘n opvoering van “Die Storieboek” aangebied deur Hennah Greeff (aldus Haas Das) en gespeel deur haarself, ander lede en vier vriende wat koor sing en/of deelneem. Almal het die opvoering terdeë geniet, waarna die vergadering verdaag het en ons gaste en lede trakteer is op heerlike eet- en drinkgoed.