Mimosa hekel met plastiek

Sirkel: Kalahari

Tak: Mimosa

Portefeulje: Leefstyl

Beriggewer: Erika Linde

Datum: 13 Februarie 2019

Plastiek ons vyand – ons VLVK Projek

Vanjaar is die jaar wat VLVK erns wil maak van PLASTIEK, ONS VYAND.

Die volgende inligting is baie insiggewend;

Die volgende produkte vat verskillende tydperke om te ontbind:

Papier handoek 2-4 weke

Piesangskil 2-4 weke

Bruin papiersak 1 maand

Lemoenskil 6 maande

Melk kartonne 5 jaar

Sigaret stompies 10-12 jaar

Plastiek houers 50-80 jaar

Plastiek bottels 450 jaar

Weggooi doeke 550 jaar

Vislyn 600 jaar

Plastiek sakke 200-1000

Om hierdie rede het Mimosa besluit om ‘n dag aan te bied waarop hul saam met hul huishulpe, geleer het om met plastieksakke te hekel. Hester Terblanche, het op ‘n baie kundige wyse gedemonstreer hoe om eerstens die plastiek sakke te knip, te las en dan op te rol en daarmee te hekel. Sy het ‘n badkamer matjie wat reeds 10 jaar in gebruik is, saamgebring en ook ander voorbeelde van artikels wat uit plastieksakke gehekel is.

Die dames het dit almal baie geniet en almal was dit eens dat dit uit en uit die moeite werd is om ‘n daadwerklike poging aan te wend om die vermorsing van plastieksakke te beperk.