Piketberg maak vroetel-voorskote

Sirkel: Weskus

Tak : Piketberg

Portefeulje: Leefstyl

Beriggewer: Nicoline Brown

Datum: 31 Augustus 2016

PIKETBERG RAAK HART en HANDE

VLV-lede en vrywilligers maak 2x per week broodjies vir TB-pasiënte by ons plaaslike dorpskliniek. Hulle moet iets eet voordat hulle medikasie kan drink.

Broodjies vir plaaslike kliniek

Tydens ‘n werksoggend wat die tak gereël het, het van die lede 9 “vroetel-voorskote” vir Alzheimerpasiënte in ons plaaslike tehuis gemaak. Verskeie teksture is vasgewerk asook kunstige artikels waarmee hul die brein kan stimuleer. Volgens navorsing kan sulke aktiwiteite die Alzheimerpasiënt rustig maak en woede-buie beperk.

“Vroetel-voorskote” vir Alzheimerpasiënte

Met dieselfde werkswinkel is serpe geknip van ou t-hemde – hierdie serpe is vir die plaaslike tak van BADISA geskenk. Dit sal aan plaaswerkers wat op landerye werk en blootgestel is aan koue winters gegee word. BADISA sal ook van hulle skenkings gebruik om persone op te lei om sodoende hul eie serpe te maak.