Sirkel: Suid-Ooskus

Tak: Loerie

Portefeulje: Opvoeding en Kultuur

Sameroeper: Belinda le Roux

Beriggewer: Hester Marx

Datum: 23 Junie 2016

 

Dit is oestyd in die Gamtoosvallei; vele variëteite van nartjies, lemoene, suurlemoene.

 

Op Andrieskraal, aan die bopunt van die vallei, wys Deleen en Rayno du Preez ons hoe dinge in hul pakstoor gedoen word wanneer lemoene gepak word. Die lemoene word gewas, gewaks, droog gemaak, geklas, outomaties in kartonne gepak, op palette gelaai en na die versendingsafdeling geneem.

 

004 hande

Mensehande is nog nodig

 

Slegs lemoene met die korrekte grootte en sonder enige merke kan uitgevoer word. Hierdie uitsoek-lemoene word in kartonne verpak met ‘n logo daarop vir ‘n spesifieke land en/of winkelgroep. Die klas 2 en 3 vrugte word in Suid-Afrika bemark en die heel kleinste vrugte gaan na ‘n sapfabriek.

 

010 vee

Die vloere moet ook blink

011 bokse

Pallet met kartonne

014 etiket

Karton lemoene met nodige inligting

 

Tientalle vragmotors vervoer daagliks duisende kartonne vrugte na die uitvoerhawe in Port Elizabeth, asook plaaslike markte in Suid-Afrika.

 

Jare gelede sou ‘n boer in hierdie vallei ‘n tuisgemaakte klasmasjien gebruik, elke lemoen toedraai in sagte papier, in spesiale houtkassies pak en per smalspoortrein na Port Elizabeth se hawe stuur.

 

Na heerlike eetgoed en tee by Deleen se huis, vertrek ons elk met ‘n sak lemoene en baie meer kennis oor die sitrusbedryf in die Gamtoosvallei.