Sirkel: Weskus

Tak: Velddrif

Beriggewer: Cornelia van Dyk

Datum: 3 Junie 2016

 

Ons het weer Pik en Proe gehou of soos mense sê “on public demand”, weer die verskillende lande met hul kosse pragtig uitgebeeld.  Elke portefeulje het ‘n land verteenwoordig.

 

Gesondheid: Argentinië

Hul stalletjie was versier met Argentinië se vlag en hulle het Empanadas met Chimmichury sous en kabobs met ‘n broodjie voorgesit, wat heerlik was.

 

Kunste en Handvlyt:  Suid-Afrilka

Hulle het kerrie-afval, wat altyd gewild is, bobotie, wildsvleis, stampmielies en mosselsop met croutons te koop gehad.

Alles was voortreflik.

20160603_172948

 

Leefstyl:  Frankryk

talletjie mooi versier met prente van die Eifeltoring, ens. Hulle het klein pannekoekies met ‘n hoendervulsel en ‘n quiche met slaai  aangebied. Dit was baie lekker.

20160603_172932

 

Landbou & Tuinbou:   China

Hul stalletjie het ook baie mooi gelyk en daar was “fried rice,” soet en suur varkvleis, hoender chow mein en soesji.

Ek hoef mos niks verder te sê nie.

 

Openbare Sake

Hulle het die heerlike tafel gehad – die nageregte van die verskillende lande.

20160603_172912

 

Opvoeding en Kultuur:   Engeland

Met heerlike vis en skyfies. Die stalletjies was ook baie mooi versier met ‘n Engelse vlag.

UK

 

‘n Tydelike dranklisensie en Darling Kelders het die atmosfeer  mooi ingekleur. Kallie Calitz het die musiek verskaf. Party het dit so geniet dat dit later tot ‘n dansery gelei het. Dit was vir almal ‘n baie aangename aand!

 

Nou sien ons alweer uit na volgende jaar se Pik en Proe!