Kraggakamma se damestee

Sirkel: Middelland

Tak: Kraggakamma

Beriggewer: Margaret van der Mescht

Datum: 19 Mei 2016

Op die 10de Mei het ons tak `n damestee aangebied, waar nie net ons lede nie, maar ook vroue uit die gemeenskap genooi is. Aangesien ons projek vanjaar herwinning is, was die tema weerspieël in die tafeldekor.

Konfytflessies word vir waterhouers gebruik

Vir tafelversiering is blikke, bottels en tydskrifte gebruik

Geskenksakkies

Die herwinningstema word weerspieël in die kaartjie

Ons gasspreker was Melinda Labuschagne, Operateur en Inligtingsbestuurder by die Nelson Mandelabaai Munisipaliteit se Afvalverwyderings Afdeling.

Margaret en Melinda Labuschagne

Die wêreldbevolking het in 40 jaar verdubbel en dit plaas groot druk op die landbou en waterbronne. Ons word aangemoedig om ons afval te “reduce, re-use en recycle”.

Ons kan papier, plastiek, glas, metaalblikkies en organiese kos herwin. Plastiese bottels word gebruik om onder meer klere te maak. “Love Earth” is ‘n plastiekdoppie projek wat die doppies gebruik om banke en loopplanke te maak. Elektroniese afval soos rekenaars, selfone en radio`s kan ook herwin word.

Elke gas se plek aan tafel

Geheelbeeld van tafel

Die gaste

Daar was ook `n beeldhou uitstalling van Dr. Nic Grobler. Sy beelde het almal `n boodskap van hoop. Dit is sy passie om deur middel van beeldhou met `n boodskap die oorwinning van Christus oor die dood en sonde te beklemtoon.

Margaret en Dr. Nic Grobler by een van sy beeldhouwerke

Dit was `n baie aangename en leersame oggend vir almal wat teenwoordig was.

Vinnige feite:

Hoeveel water word benodig om die volgende te produseer:

Tamatie = 13 liter Appel = 70 liter

Koppie koffie = 140 liter Hamburger = 2 400 liter

In 2013 is 2 miljoen ton se elektroniese afval gegenereer en net 300 000 ton is herwin.
Afval wat nie herwin word nie, soos bv plastiek, beland o.a in die see en word vir kos deur seevoëls aangesien en vir hul kuikens gevoer.