Sirkel: SWD

Tak: Heidelberg

Portefeulje: Gesondheid

Beriggewer: Driekie Uys

Datum: 12 April 2016

 

 

Die dames het ‘n baie insiggewende middag, wat gereël is deur Maretha Wessels (VLV) en Marianna Jacobs(Badisa), saam met pleegouers gehad.

 

Susanna Vermeulen (hulp maatskaplike werker, maar opgeleide maatskaplike werker) het die gaste meer ingelig hoe iemand ‘n pleegouer word en hoe kinders in pleegsorg geplaas word.

 

IMG_3751-1

Susanna Vermeulen

 

Kinders word in pleegsorg geplaas as:

  • die kind wees is; albei ouers is oorlede
  • ouers hul verlaat en verdwyn
  • die kind verwaarloos word, maar word eers 3 maande in veilige bewaring geplaas om saak te ondersoek

en nog vele meer.

 

Pleegsorg word deur die Kinderhof gemagtig en vir 2 jaar moet die toesigdienste(maatskaplike dienste) die kind en pleegouers monitor, waarna dit weer na die Kinderhof gaan. Daar word baie verslae geskryf en alles moet aan die hand van spesifieke kinderwette gestaaf word. ‘n Pleegouer word geïdentifiseer uit die naby familie. Hul moet ook ‘n polisie ‘clearance’ sertifikaat kry om te voldoen aan die pligte as pleegouer. Die wet tree eerstens in die belang van die kind en sy regte op. Kinders wat benadeel word deur vernedering, manipulasie, molestering, nie skool blywoon nie, mishandeling word onder andere onder pleegsorg geplaas.

 

Ons luister verder na Hanlie Uys se komiese voorlesings. Sy verduidelik ook hoe om ‘n blom van ‘n strook gebreide wol te maak en deel aan elkeen ‘n paar breipenne en wol uit om dit self te doen.

 

IMG_3759

Hanlie lees voor, Maretha maak fudge klaar

 

Lettie Breytenbach vertel en gee resepte vir tuisgemaakte koeldrank van jellie, asook ‘n vrugteskilkonsentraat.

 

IMG_3753-1

Lettie Breytenbach

 

Maretha Wessels demonstreer ‘n sjokoladekoekie-fudge om vroue te wys hoe maklik dit is om dit te maak.

 

Vroue kry elkeen ‘n pakkie tydskrifte om huis toe te neem.

 

IMG_3763

Hanlie tussen 2 gaste en Marianne Jacobs regs