Beveilig jouself

Sirkel: Weskus

Tak: Porterville

Portefeulje: Openbare Sake

Beriggewer: Louwna Hoving, [email protected]

Datum: 7 April 2016

 

Konstabel Leoné Carstens en Hester Burger, Saamroeper Openbare Sake

 

Konstabel Leoné Carstens van die plaaslike SAPD met onderwerp Beveilig Jouself. 

 

*Ken jou noodnommers:  SAPD (10111-lyn) of plaaslike polisiestasie se nommer, asook die ambulans en bure s´n.

*Kinders moet SAPD, bure en ouers se nommers ken.

*Sorg dat jou selfoon vol gelaai en naby jou is.

*Moenie sleutels in deur laat sit of waar dit maklik gesien kan word nie.

*Moenie snags ligte in ‘n vertrek laat aanbly nie¸ behalwe miskien die badkamerlig.

*Moenie ligte in huis permanent laat brand as u nie tuis is nie.

*Vra SAPD (gee u huisadres en tydperk van afwesigheid) of bure om na u huis om te sien as u met vakansie gaan.

*Sorg dat iemand weet hoe lank en waarheen u gaan as u iewers heen ry of loop.

Vat selfoon of “pepper spray” saam.  Suiwer ammoniak in ‘n sproeibottel is net so effektief.

*Hou huis te alle tye toegesluit.

*Sekuriteitkamers kan help om inbreker te identifiseer.

*Wees bedag om vreemdes of voertuigregistrasie te registreer en rapporteer aan polisie.

*Rapporteer ook persone/verdagtes wat op ‘n gereelde basis by u huis verby loop.

*Wanneer daar aan ‘n deur of venster gepeuter word, moenie uitgaan nie, bel polisie en bure en sê dis ernstig.

*Indien u betrokke raak by inbrekers, moet u dit dadelik aan die polisie rapporteer.

*Polisie doen gereeld patrollie.  Versoek hulle om dit meer dikwels te doen as u daarvoor ‘n behoefte het.

*Wees bedag by kitsbanke vir vreemdelinge en laat niemand naby jou toe as jy met ‘n transaksie besig is nie.

*Dis veiliger om buite u voertuig te wees in die geval van ‘n kaping of as u voertuig onklaar raak.

*Wees altyd vriendelik met die polisie.  Dit skep goeie verhoudings.

 

Nicolene van der Merwe (nuwe lid) en Mary-Ann van Schalkwyk (Voorsitter)