Sirkel: Weskus

Tak: Langebaan

Studierigting: Kunste en Handvlyt

Beriggewer: Charlotta van Eeden

Datum: 6 April 2016

 

Die Kunste en Handvlytgroep se tema was: Kunsskatte, Woordskatte en ‘n storie getitel: “my skat, my kind, my smart”.

 

Petro Marais lees vir ons die storie voor van Ellen Pakkies wat haar kind, wat aan tik verslaaf was, vermoor het.

 

Vlv 6 April 009

Hennah Greeff (sameroeper van Kunste en Handvlyt) en Petro Marais

 

Aansluitend tot die tragiese storie van Ellen Pakkies, voer Hennah Greeff ‘n onderhoud met Anne Lennard. Anne se kind is self ‘n tikverslaafde.

Sy naam is Jean Dean Pearl. Afkomstig van die 2 kelners van Pearly’s Restaurant in Langebaan waar Anne gewerk het tydens haar swangerskap.

 

Die een kelner se naam was Jean en die ander Dean en hul het Anne hospitaal toe geneem een aand na hul skof toe Anne in kraam gegaan het. Vandaar Jean Dean Pearl. Jean Dean Pearl was 16 jaar oud toe hy tik begin gebruik het. Hy gebruik lelike taal en besteel sy familie.  Hy het nog nie gewelddadig begin optree nie.

 

Anne vertel ons wat die dwelms vir haar kind kos.

‘n Klein pakkie dagga = R50

1 kg tik = R300

1 kg kokaïen = R1000

‘n “bottom”-pil = R120

‘n 1/2 “bottom”-pil = R45

 

Al die dwelms word in die Kaap gekoop en aan die Weskus verkoop. Die polisie deursoek gereeld die huise maar die verkopers hardloop weg.

 

Vlv 6 April 010

Ninkie Goussard bedank Anne Lennard

 

Anne Lennard is een van duisende ouers wat sukkel met kinders wat dwelms gebruik. Ons is opnuut bewus gemaak van die gevare rondom dwelms.

 

Vlv 6 April 011

14 nuwe dames wat sedert Februarie 2016 – April 2016 aangesluit het by Langebaan-tak