Sirkel: Overberg

Tak: Caledon

Portefeulje: Landbou en Tuinbou

Beriggewer: Yvonne Pretorius

Datum: 5 April 2016

 

Dertien lede van Caledon-tak besoek op Dinsdag,  5 April 2016, die Caledon Hatchery.  Heiko van Jaarsveld, Broeierybestuurder, het die dames op ‘n baie interessante toer deur die Hatchery geneem.

 

‘n Personeel van 9 staan hom by.

 

DSC02672

VLV-dames besoek die Hatchery

 

Die uitbroei-eiers kom vanaf die lêplaas naby Grabouw. Eiers word by 16°C – 19°C in die eierkamer gestoor voordat dit na masjiene toe gaan om uitgebroei te word.

 

DSC02670

Eiers word gebêre gedurende die eerste fase

 

Die eiers bly vir 18 dae in ‘n ontwikkelingsvertrek (genoem die “setters”, met waaiers, verwarmers en ‘n verkoelingsisteem om die temperatuur by 37.5° te hou. Die eiers word teen ‘n 45° helling gehou terwyl die embrio ontwikkel.  Die eiers word al om die uur na die ander kant gedraai, om ook teen ‘n 45° helling te staan.

 

DSC02674

Eiers word teen ‘n helling gebêre

 

Hierna word hulle vir 3 dae na die uitbroeivertrek, wat die hatchery genoem word, verskuif om uit te broei.  Hier word die eiers op rakke na mandjies toe verskuif. Die hele proses duur 21 dae.

 

Die kuikens word dan uit die mandjies gehaal, sodat hulle van die doppe geskei kan word. Dan word die kuikens in kratte getel, geweeg en ingeënt (gespuit) teen siektes. Dan word die kratte met kuikens per trok na die grootmaakplase gestuur. Hierdie hoenders kry geen groeihormone of enige ander onnatuurlike aanvullings nie, net hul gewone hoenderkos.

 

DSC02681

Kuikens word van die doppe geskei

 

DSC02678

Kuikens broei uit

 

Alle afval word fyngemaal en verwyder van die perseel.