Plak en pak

Plak en pak

Sirkel: Tygerberg

Tak: Stellenberg Vonkelvriendinne

Portefeulje: Openbare Sake

Beriggewer: Caro Ekermans

Datum: 24 Oktober 2015

Op Saterdag, 24 Oktober, het Stellenberg Vonkelvriendinne bymekaargekom aan huis van hul voorsitter, Leonore Ward, om hulle bydraes vir die Santa’s Shoebox Projek te verpak.

Bydraes is deur die loop van die jaar by elke maandvergadering deur die lede bygedra en hierdie was die groot pak! Eerstens moes al die kartondose mooi oorgetrek word met papier met ‘n Kersfeesmotief. Dan moes die verdere versierings, soos plakkers, bygesit word en dan eers kon die inhoud, volgens ouderdom en geslag, ingepak word.

Kartondose oortrek: LNR Liz Joseph, Ina Bergh, Rhonelle du Plessis en Lydia van Reenen

Operasie oortrek: Lorraine van der Westhuizen, Gerna Conradie en Liz Joseph

Elke pakkie het ‘n waslap, seep en tandepasta bevat. Vir die tieners was daar ook reukweerder en sulke nodige goedjies. Daar was ook speelgoed, kledingstukke, skryfbehoeftes en lekkers in elke kartondoos.

Op die ou end was daar 32 pragtige Kersfeespakkies wat aan die Santa’s Shoebox Projek gelewer kon word. Hierdie projek is gemik op behoeftige kinders dwarsoor Suid Afrika en jaarliks word derduisende sulke kartondose, afkomstig van individue, verenigings en maatskappye, deur hierdie instansie versprei.

Na al die uitsorteer, knip, plak en pak het ons heerlik ontspan met die nodige eet-en drinkgoed en betyds klaargekry om tuis op televisie te gaan kyk hoe die Springbokke slae kry!