Sirkel:  Cradock

Tak:  Hofmeyr

Portefeulje:  Openbare Sake

Beriggewer:  Teresa Opperman

Datum:  4 September 2015

 

 

VLVprojek

 

 

Estelle Kruger,  Sekretaresse van Hofmeyr VLV,  het letterlik die bul by die horings gepak, en al die dorpslede van Hofmeyr VLV bymekaargekry om haar te help om die ingange na Hofmeyr en ook die dorp self skoon te kry.

 

 

VLVprojek3

 

 

Die Augustuswinde in die area veroorsaak dat papiere en plastieksakke die wêreld vol dwarrel  en omdat ‘n ordentlike vullisverwyderingsnetwerk nie in plek is in die klein plattelandse dorpies nie,   is dit dikwels die inwoners se verpligting om toe te sien dat die omgewing na Augustus weer netjies gemaak word.

 

 

VLVprojek2

 

 

Estelle het haar man, Rhyn,  asook  vir Emma & Tommie Roux,  Rosalie & Cedric Manley  en Vivian Labuscagne gevra om haar te help om die dorp weer netjies te kry.  Sy het voortydig aansoek gedoen by die Munisipaliteit om plastiese vullisverwyderingssakke te bekom,  wat deur hulle voorsien is.   In samewerking met Avice Steenkamp,  skoolhoof by Laerskool Hofmeyr,  is ‘n paar bereidwillige leerders ook betrek om behulpsaam te wees.

 

 

VLVPROJEK4

 

 

Omdat die leerders hul voedingspakket sou misloop, het Estelle ook gereël dat ‘n kospakkie vir elkeen beskikbaar was na afloop van die projek.    ‘n Groot aantal swart sakke is met bakkies vervoer na die asgate  en dit is daar verbrand.