Sirkel:  Weskus

Tak:  Piketberg

Portefeulje:  Landbou

Beriggewer:  Riana Richte

Datum:  15 April 2015

 

IMG_4838c (Custom)

Van links verskyn Nicoline Brown, voorsitter VLV Piketberg,  Jan Tolken van PROTEK (spreker),  Katinka Morrison, voorsitter Tuinbouklub Piketberg,  Cyril du Toit, bestuurder Kaap Agri Piketberg.

 

Op Woensdag, 15 April, het die VLV tak en Tuinbouklub gesamentlik vergader by Kaap Agri, Piketberg.  Met planttyd in die tuin op hande, het Jan Tolken van PROTEK die dames ingelig oor grondvoorbereiding en plantvoeding, plae in en om die huis en in die tuin en plaagdoders vir die bestryding daarvan bekend gestel.

 

IMG_4840c (Custom)

VLV lede wat by die geleentheid afskeid geneem het van Frannie Botha.  Frannie verskyn in die middelste ry, 4de van links.

 

By dieselfde geleentheid is afskeid geneem van Frannie Botha, ‘n lid van beide verenigings.  Sy en haar man, Jan, verhuis binnekort na Stilbaai.  Frannie is ‘n  voormalige voorsitter en bestuurslid van Piketberg tak.  Haar VLV lidmaatskap is in 2002 vanaf die Paarl na Piketberg oorgeplaas.  Lede het hul waardering uitgespreek teenoor die kwaliteit van haar leiding, diensbaarheid, vriendskap en omgee, en haar bedank vir die beskeie maar waardige wyse waarop sy haar gawes en vaardighede met ander gedeel het.